Cael hyd i Bortmeirion

Croeso i bentref Portmeirion

Un o atyniadau ymwelwyr mwyaf poblogaidd Cymru. Bydd dros 200,000 o ymwelwyr yn ymweld bob blwyddyn.

 Lle perffaith am ddiwrnod allan gyda'r teulu - parcio am ddim, teithiau tywys am ddim, sioe glyweled, bwytai, siopau, gerddi, traethau a trên gwyllt.

O amgylch y pentref mae 70 acer o goedwig ecsotig gyda llwybrau coedwigol a arfordiriol hawdd i'w dilyn.

Ar agor bob dydd o 9.30 y bore tan 7.30 yr hwyr. Heblaw am ddiwrnod y Nadolig

Nodwch cwn arwain yn unig a ganieteir yn y Pentref

Edrychwn ymlaen i'ch Croesawu

Gyda Car

Os yn defnyddio Sat Nav defnyddiwch LL48 6ER

Trefnydd Teithiau'r AA - teipiwch Portmeirion fel cyrchfan a ar wefan yr AA : Theaa.com



O Fanceinion: ewch ar yr M56 (Gorllewin) ar gyfer y A550. Dilyn arwyddion am yr A55 a Gogledd Cymru. Dilyn yr A55 cyn belled â Chyffordd Llandundo (mae'n gynt ffordd hyn rwan wedi iddyn nhw orffan y gwaith rhwng Betws a Stiniog). Ewch drwy Flaenau Ffestiniog am Borthmadog nes cyrraedd y A487 ym Maentwrg lle dach chi'n troi i'r dde am Borthmadog eto. Mae troead Portmeirion ar sgwar Minffordd ryw filltir a hanner o sgwar Penrhyndeudraeth. Milltir o ddreif a dach chi acw. 100 milltir, tua 2 awr a hanner.

O Faes Awyr Birmingham a'r NEC: ewch ar yr M6 i'r Gogledd. Ar ol cyffordd 10 ewch am yr M54 a dirwyn ymlaen arni nes iddi droi'n A5 a dilyn honno yn ei thro hebiio Corwen nes cyrraedd goleuadau'r Druids lle dach chi'n troi ar yr A494 am Bala. Yn y Bala trowch i'r dde ar yr A4212 am Traws lle trowch i'r dde ar am Borthmadog. Mae troead Portmeirion ar sgwar Minffordd ryw filltir a hanner o sgwar Penrhyndeudraeth. Milltir o ddreif a dach chi acw. 100 milltir, tua 2 awr a hanner.

O Lundain (Llwyn y Bugail): Cymrwch yr M40 wedyn yr M6 am Birmingham (ar y dollffordd os ydi'r hen draffordd yn dagfa) wedyn dilyn arwyddion yr M54. Ar ol cyffordd 10 ewch am yr M54 a dirwyn ymlaen arni nes iddi droi'n A5 a dilyn honno yn ei thro hebiio Corwen nes cyrraedd goleuadau'r Druids lle dach chi'n troi ar yr A494 am Bala. Yn y Bala trowch i'r dde ar yr A4212 am Traws lle trowch i'r dde ar am Borthmadog. Mae troead Portmeirion ar sgwar Minffordd ryw filltir a hanner o sgwar Penrhyndeudraeth. Milltir o ddreif a dach chi acw. 240 milltir, tua 4 1/2 awr

O Gaerdydd: Dilyn yr A470 i Trawsfynydd lle trowch i'r dde ar am Borthmadog. Mae troiad Portmeirion ar sgwar Minffordd ryw filltir a hanner o sgwar Penrhyndeudraeth. Milltir o ddreif a dach chi acw. 150 milltir, tua 3 awr a hanner.

Ar Droed

Mae llwybr troed o bentre Minffordd, heibio Castell Deudraeth ar ar hyd ochr Cae Mawr a ddaw a chi at y tollborth maes o law. Mae yma lwybrau'n gwau drwy'r Gwyllt hefyd, 20 milltir ohonyn nhw, a milltiroedd o arfordiroedd i'w crwydor felly dewch a'ch sgidiau cryfion

Efo Tacsi

Tacsis B & M, Penrhyndeudraeth 01766 770851

Gwasanaeth Tacsi Cricieth, Cricieth 01766 522726

Tacsis Dukes, Porthmadog 01766 514799

Tacsis Huw, Llanwnda, Caernarfon 01286 676767

Ar Fws

Mae bysys bach y wlad yn galw heibio unwaith yn y pedwar amser ar eu cylchdaith o Borthmadog i Llanfrothen ac yn ôl. Chwiliwch amdani ar safle we Cyngor Gwynedd yma: 99B Porthmadog-Portmeirion/Rhyd 

Ar y Tren

Amserlen trenau: Euston - Bangor

Mae trenau Virgin Trains yn gallu cyrraedd Bangor o Euston, Llundain mewn tair awr a hanner. Chwarter awr yn gynt i Gyffordd Llandudno. Gallwn drefnu i'ch codi o'r orsaf os cawn wybod digon ymlaen llaw. Fel arall ewch ymlaen ar y tren o Gyffordd Llandudno i Flaenau Ffestiniog. Mi wnawn ni drefnu i'ch cwrdd yno gyda rhybudd, fel arall mae yna siawns y gallech ddal y tren bach am Borthmadog sy'n stopio'n Minffordd. Rhowch wybod inni ar 01766 - 770000 os ydach chi'n dod yma i aros ac isio pas.

Mae'r lein bach Rheilffordd Ffestiniog  yn trafeilio o Flaenau Ffestiniog i Borthmadog, gyda stesion yn Minffordd, ryw filltir a hanner o Bortmeirion. Rhowch wybod inni ar 01766 - 770000 os ydach chi'n dod yma i aros ac isio pas, ac mi drefnwn i'ch codi o'r stesion.

Mae lein y Cambrian Coast yn pasio trwy Minffordd hefyd ar ei thaith i Bwllheli a diwedd y lein. Mae hon yn cyrraedd cyn belled ag Aberystwyth ac Amwythig heibio Cyffordd Dyfi ger Machynlleth. Rhowch wybod inni ar 01766 - 770000 os ydach chi'n dod yma i aros ac isio pas.

Mewn Awyren

Maes Awyr Manceinion (Manchester International Airport) sydd efo'r nifer mwyaf o awrenau'n ei wasanaethu o holl faesydd awyr y rhanbarth honno o Loegr. Ond mae Maes Awyr Birmingham a maes awyr Lerpwl (John Lennon Airport,) yn brysur hefyd. Os ydach chi isio glanio yng Nghymru dewch i Faes Awyr Rhyngwladol Caerdydd (Cardiff Wales Internatinal Airport). Gallwch logi car ym mhob maes awyr, neu mi drefnwn gyrrwr i'ch cyfarch am bris ychwanegol. 

Hofrennydd Breifat